Борбор калаанын Совет көчөсүндө таштанды ташыган унаадан ыпыр-сыпыр чачылып бара жаткан видеону күбө Sputnik Кыргызстан агенттигине WhatsApp-каналы аркылуу жиберди.
Анын айтымында, окуя кечээ 19-июлда саат 14.30дар чамасында Совет көчөсү менен ылдый "Дордой" базары тарапка кетип бара жаткан жолдо болгон.
"Мен бул унаанын артынан жарым саатка чукул жүрдүм. Биринчи 15 мүнөтүндө таштандылар мындан да көп түшкөн, бирок анда көңүл бурган эмесмин. Качан гана токтобой ыргып, унаамды булгап салганда, видеого тартууну чечтим. Таштанды деген таштанды да, жаман болот экенсиң. Жок дегенде үстүн бир нерсе менен жаап алышпайбы", — деди күбө.
Анын айтымында, Бишкекте таштанды чыгаруу менен алектенген бир нече жеке компания бар. Ошондуктан, унаанын "Тазалыкка" тиешеси бар-жогун тактоо зарыл.
Каракеева кошумчалагандай, эгер видеодогу муниципалдык унаа экени аныкталса, айдоочу түшүнүк кат жазып, ага түшүндүрүү иштери жүргүзүлөт.
