БИШКЕК, 20-июн. — Sputnik. Катуу жаандан улам Баткен районунда сел жүрүп, суу сайдан ашып, Ак-Татыр айыл аймагынан өткөн унаа жолду каптап кеткенин ӨКМ билдирди.
Маалыматка ылайык, учурда жолдон чоң машиналар гана өтүп жатат.
Сель на дороге Баткен — Исфана
© Фото / пресс-служба МЧС КР
"Мындан сырткары Ак-Сай айыл аймагынын Үч-Дөбө айылындагы Керме-Тоо тилкесинде 15 турак үйдүн жер тилкесин да сел каптады", — деп айтылат билдирүүдө.
ӨКМ тактоо иштерин жүргүзүү үчүн Жарандык коргонуу комиссиясы чыгып кеткенин белгилеп, кошумча маалымат берилерин айтты.
