БИШКЕК, 11-июн. — Sputnik. Кыргызстанда үстүбүздөгү жылдын беш айынын ичинде уюшкан кылмыштуу топтун ондогон мүчөсү кармалды. Бул тууралуу ИИМден маалымдашты.
"ИИМдин криминалдык милициясы каракчылык, уурулук, опузалоо жана башка ушу сыяктуу оор кылмышка шектелгендерди кармоо үчүн күчөтүлгөн тартипте иш жүргүзө баштаган. Анын натыйжасында беш айдын ичинде уюшкан кылмыштуу топтун 12 мүчөсү колго түшүрүлсө, дагы 120сы кылмыш жоопкерчилигине тартылган", — деп айтылат маалыматта.
Кармалгандардын алтоосунан ок атуучу 70 курал табылган. Билдирмеде шектүүлөрдүн айрымдары криминалдык дүйнөдө жогорку статуска ээ экени белгиленди.
