Жаманкулов: жайкы туристтик сезонго даярдыгыбыз начар
Жайкы туристтик сезонго даярдыгыбыз начар болууда. Бул тууралуу Акылбек Жаманкулов парламентте сүйлөп жатып билдирди.
Анын айтымында, киреше таба албай жаткан мамлекеттик пансионаттардын ишмердүүлүгүн карап чыгуу керек.
"Ысык-Көлдө туристтик сезон жакындап келе жатат. Учурда даярдыгыбыз өтө начар. Жолдорду көрүп жатасыздар. Сезондо авариялар көбөйүшү мүмкүн. Андыктан жолго постторду көбөйтүү маселесин өкмөт карап чыкса жакшы болор эле", — деди депутат.
Ал убагында эталон болуп турган мамлекеттик пансионаттар учурда жарытарлык киреше таба албай жатканын сынга алды.
