БИШКЕК, 1-июн. — Sputnik. Токтогул Сатылганов атындагы филармонияда "Алтай — ата-бабанын ыйык жери" аталышындагы концерт өтөт. Бул тууралуу маданият, маалымат жана туризм министрлигинен кабарлашты.
Билдирүүгө ылайык, иш-чара 7-июнга пландалган.
"Концертте Алтайдан келген ырчы, бийчи, композиторлор жана эл аралык сынактардын жеңүүчүлөрү өз өнөрлөрүн тартуулайт. Ошондой эле ата-мекендик аткаруучулар менен дагы дуэт ырдашат. Иш-чаранын максаты —эки элдин маданиятын чыңдап, достук мамилесин бекемдөө болуп саналат", — деп жазылат маалыматта.
Министрлик мындай иш-чара өлкөдө биринчи жолу өткөрүлүп жатканын кошумчалады.
