Бишкектик Назгүл Аилчинова ТНТ телеканалындагы "Comedy Баттл" шоусунун финалына чыкты. Жарым финал 25-май күнү эфирден көрсөтүлдү. Аилчинова буга чейин да айтып келген жолдошу менен үй-бүлөлүк турмушун башкы тема кылган.
Төрт мүнөттүк юморду калыстар тобу бир ооздон мыкты деп баалашкан. Шоунун алып баруучусу Павел Воля да алар менен макул экенин, Назгүл тездик менен профессионал болуп бара жатканын белгилеген.
"Comedy Баттл" — ТНТ телеканалындагы стендап-шоу. Жеңүүчү 5 миллион рублге ээ болот.
