Жол кыймылы коопсуздугун камсыздоо башкы башкармалыгынын (ЖКККББ) кызматкерлери өз апаларын Энелер күнү менен куттуктап, аларды канчалык жакшы көрөрүн айтышты.
Милиция кызматкерлеринин куттуктоосу ЖКККББнын Facebook баракчасына жарыяланды.
Видеодо Толгонай Арзыкееванын аткаруусундагы "Эне жөнүндө баллада" ырынын клиби колдонулган. Бир нече милиция кызматкери апаларына чалып, энелерин куттуктаган учур видеого тартылган. Милиционерлердин бири апасына чалып, анын үнүн укканда көзүнө жаш алган.
Кыргызстанда Энелер күнү май айынын үчүнчү жекшембисинде белгиленип келет.
