БИШКЕК, 18-май — Sputnik. Чеченстандын президенти Рамзан Кадыров былтыр 7 миллиондой рубль тапканын декларациясында көрсөткөнүн РИА Новости агенттиги билдирди.
Документке ылайык, Кадыров 2017-жылы 6,93 миллион рубль иштеп тапкан. Ал ошондой эле 3 668 чарчы метрлик жери жана 2344,6 чарчы метрлик үйү бар экенин көрсөткөн. Андан сырткары, 300 чарчы метрлик үйгө да ээлик кылат.
Ал эми Кадыровдун жубайы былтыр 60 миң рубль иштеп тапкан. Андан сырткары, 209,8 чарчы метрлик батирге ээлик кылат.
Ошондой эле Чеченстандын президентинин жашы жете элек баласы 2017-жылы 296 миң рубль тапкан.
