БИШКЕК, 17-май — Sputnik. Мушкерлердин абсолюттук чемпионат (UFC) спорттук уюму биринчи жолу Россияда турнир өткөрөт. Бул туурасында промоутерлик компаниянын сайтында айтылды.
Аралаш мушташ боюнча кармаш 15-сентябрда "Олимпийский" спорт комплексинде өтөт. Билет сатыкка 1-июндан тарта чыгат.
It's official!! #UFCMoscow is on for Sat 15 Sept. Get all the latest info ⬇️
— UFC Europe (@UFCEurope) May 16, 2018
🇷🇺 https://t.co/hkLnXXge8b pic.twitter.com/d2Twj69nbk
Ал арада спорттук уюмдун социалдык тармактагы расмий баракчаларында орус мушкерлери катышкан турнирдин кыскача роликтери пайда болду. Арасынан кыргызстандык Валентина Шевченкону да көрүүгө болот (РФ жарандыгы бар).
Роликте Хабиб Нурмагомедов менен Александр Волковдун мелдеш учурунда атаандашын нокаутка кетиргени, ал эми Валентина Шевченконун кайруу ыкмасын колдонуп жатканы бар.
On September 15, we make history. #UFCMoscow pic.twitter.com/wJlme9EOAU
— UFC (@ufc) May 16, 2018
Россиялык ЖМКлардын айтымында, белгилүү орус мушкери Хабиб Нурмагомедов аталган турнирге катышпайт. Анын ордуна Валентина Шевченко UFC уюмунун чемпиондук наамы үчүн Никко Монтано менен, ал эми Алексей Олейник Фабрисио Вердум менен күч сынашышы мүмкүн.
