ОШ, 15-май — Sputnik. Ош шаарындагы Шакиров көчөсүндө курулуп жаткан көп кабаттуу үйдүн 8-кабатынан кулаган 25 жаштагы жигит каза болду. Бул тууралуу шаардык милициянын маалымат кызматы билдирди.
Ага ылайык, окуя 14-май күнү саат 14:30дар чамасында болгон.
"Маркум көп кабаттуу үйдүн курулушунда иштеп жаткан. Ал Ош шаарынын Жапалак айыл өкмөтүнүн Тээке айылынын жашоочусу эле. Иштеп жатып кокусунан 8-кабаттан кулап кеткен. Аны менен чогуу иштеген жумушчулар жабырлануучуну Ош облустук ооруканага жеткиришкен. Бирок ал ооруканага бараткан жолдо каза болгон", — деп айтылат маалыматта.
Ал эми Экотехинспекциянын Ош шаары боюнча башкармалыгынын өкүлдөрү буга чейин аталган имараттын курулушу убактылуу токтотулганын, кырсык тазалоо иштерин жүргүзүп жаткандаболушу мүмкүн экендигин билдирди.
Бүгүн 15-май күнү маркумдун сөөгү жерге берилди.
