Мумбайдагы темир жол вокзалына коюлган видео көзөмөл камерасына кичинекей кыздын куткарылган учуру тартылып калган. Видеону Metro басылмасы жарыялады.
Видеодо жүрүп бараткан поездге кызын жетелеп алып чуркап келе жаткан аялды көрүүгө болот. Ал вагонго секирип түшүп кеткен маалда колундагы кызы жыгылып, поезддин алдына кулаган. Бактыга жараша, вокзалды күзөтүп турган аскер кызды дароо сууруп чыгып, аман калып калган.
Окуядан кийин кыздын атасы аялы Мумбайга биринчи келип, поезд өтө тез жүрөрүн билбегенин айткан. Кызды сактап калган аскердин аты Сачин Пол экени аныкталды. Ал буга чийин коопсуздук органдарында кызмат кылган.
