Той-аш демекчи, азыр андан тажагандар да, дегдеп күткөндөр да арбын. Ошондой тойлордо кээде ырчылар өлө жинге тиет да. Үнү жок болсо фонграмманы коюп алып, анысы аз келгенсип, үнүнүн болушунча айкырганда отурган ордуңан тура качасың. Ырчылар дагы кандай учурда кыжырды кайнатарын окуп, өзүңүздүн пикириңизди билдириңиз.
Ырчы демекчи, арасында жаш болсо да анча-мынча эл оозуна алынып калгандары да жок эмес. Жаш ырчылардын өзүнүн күйөрмандары бар. Эгер сиз Алмаз Шаадаевдин ырларын жакшы көрүп уксаңыз, маегине бир көз жүгүртүп коюңуз.
Ишемби күнү Евровидение – 2018 кароо сынагы Португалиянын Лиссабон шаарында өтүп, Израилден келген Нетта өзүнүн "Оюнчук" (Toy) деген ыры менен башкалардан озуп өттү. Ии, баса, ырчы ырдап жатып тооктой болуп какылыктап да жиберет экен.
Эл арасында билинбеген таланттар менен балбандар көп. Андайларды сиз деле көргөнсүз, бирок маани берген эмессиз. Колу менен ташты бырчалай чаап, темирди пластилиндей ийлеген өзгөчө балбандарды санап чыктык. Сиз дагы биз байкабай калган, жазбай калган балбандарды билсеңиз кат жазып, телефон чалып коюңуз.
Валюта наркы. Сомдун баасы долларга карата орто эсеп менен 68.38 (сатып алуу) жана 68.67 (сатуу) сомду түздү.
Мунай баасы. Бишкекте орточо эсеп менен алганда АИ-95 үлгүсүндөгү бензин 44.70 сом, АИ-92 үлгүсүндөгү май 42.00 сом, ал эми дизель майы 43.00 сомдон сатылууда.
Соңку сөз. Кулактын кумарын кандырган ырлар менен ырчылар кө-өөп болсун деп Расул Үсөналиев.
