Мелдештин катышуучулары Корумду айылына чейин чуркап, кайра Чолпон-Атага келишти. Программада (42 чакырым 195 метр), жарым марафон (21 чакырым 97,5 метр), 10 миң жана 3 миң метрге чуркоо каралган.
Байге фонду 420 миң сом (6 миң долларга чукул) деп белгиленген. Биринчи орунду ээлегендерге 70 миң сом (1 000 доллар) тапшырылат. Экинчи келгендерге 50 миң сом, марага үчүнчү болуп жеткендерге — 30 миңден каралган. Ал эми жарым марафонго катышып, биринчи орунду камсыздагандар 25 миң, экинчи келгендер 20 миң, ал эми үчүнчү болгондор 15 миң сомдон алышат.
Турнирге 28 мамлекеттин 2000ден ашык профессионал жөө күлүктөр жана спорт сүйүүчүлөрү катышты.
