БИШКЕК, 26-апр. — Sputnik. Президент Сооронбай Жээнбеков Кыргызстандын транзиттик потенциалын жогорулатуу жана жол-транспорт комплексин өнүктүрүү боюнча долбоорлор менен таанышты. Бул тууралуу өлкө башчынын маалымат кызматы билдирди.
Мамлекет башчысы өлкөнүн транзиттик мүмкүнчүлүктөрүн жогорулатуу, аймактардын инфраструктурасын, калктын жашоосун жакшыртуу, темир жол байланыштарын өнүктүрүүнүн маанисин белгиледи.
Өз кезегинде Калилов жол-транспорттук байланышты өнүктүрүүнүн келечеги жана жолдорду салуу долбоорлору боюнча кызыкдар тараптар менен кызматташуу маселелери жөнүндө айтып берди. Муну менен бирге 2018-жылдын май айында Бишкек шаарында өтө турган Шериктештикке мүчө мамлекеттердин темир жол транспорту боюнча кеңешинин кезектеги отурумуна даярдыктын жүрүшү тууралуу маселелерге токтолду.
