БИШКЕК, 26-апр. — Sputnik. "Бардыгыбыз үчүн бир жеңиш" аттуу медиа-экспедициянын катышуучулары Кыргызстанга легендарлуу "Победа" (ГАЗ М-20) унааларын айдап келишти. Бул тууралуу Россиянын Кыргызстандагы элчилигинин маалымат кызматынан билдиришти.
Аталган эл аралык долбоор 2012-жылы Ханты-Мансийск аймагынан башталган.
2018-жылы унаалар Думанын алдындагы ХМАО жаштар парламенти жана "Бирдиктүү Россиянын жаш гвардиясы" уюмунун Ханты-Мансийск аймагы боюнча бөлүмүнүн демилгеси боюнча Россиянын Урал федералдык округу, Казакстан, Кыргызстан жана Өзбекстанды кыдырышат.
Sputnik Кыргызстан агенттигинин мультимедиалык маалымат борборунда медиа-экспедициянын өкүлдөрү, элчиликтин жана Россотрудничество өкүлчүлүгүнүн кызматкерлери катышуусунда маалымат жыйыны өттү.
Иш-чаранын алгагында коноктор согуш, эмгек ардагерлери, блокадачылар жана жаштар менен жолугушат.
