Таалайбеков: кыздарды 26 жашка чейин чет мамлекетке иштөөгө жибербеш керек
Кыздарды 26 жашка чейин чет мамлекетке иштөөгө чыгарбоо керек. Мындай пикирин Таалайбеков Sputnik Кыргызстан радиосуна маек куруп жатып билдирди.
Анын айтымында, бул кадамдар кыздардын коопсуздугун камсыздайт.
"Учурда чет мамлекетке иштегени кеткен кыздарыбыздын ар кандай кыйынчылыктарга туш болуп жатканына күбө болуп жатабыз. Өмүрү менен кош айтышкан учурлар да кездешүүдө. Андыктан кыздарды 26га толгончо мыйзамдын негизинде башка мамлекетке барып, иштөөсүнө тыюу салуубуз керек. Бул курактан өткөн соң башка мамлекетке барганга руксат берсек болот", — деди Таалайбеков.
Ал өзүнүн демилгесинде окуу үчүн чыга турган кыздарга тыюу салынбай турганын кошумчалады.
