БИШКЕК, 25-апр. — Sputnik. Социалдык тармактын колдонуучулары АКШнын президенти Дональд Трамп жубайы Меланья Трамптын колун кармоого аракет кылып жаткан видеосун талкууга алды. Бул тууралуу РИА Новости жазып чыкты.
Анда окуя Трамптын Франция президенти Эммануэль Макрон менен жолугушкан иш-чарада болгону айтылат.
That moment when your wife resists holding your hand… PRICELESS. 🤣🤣 @realDonaldTrump pic.twitter.com/hDpPddTv5C
— BetsyBits (@BetsyBits) 24 апреля 2018 г.
Анда колдонуучуларынын бири "аялы биз сыяктуу аны кабыл алгысы келген жок" деп жазса, айрымдары биринчи айымды аяп "Меланья бактысыз көрүнөт" деген билдирүүлөрүн калтырган.
Башкалары эртелеп чечим чыгарбоо керектигин айтып, өлкөнү жетекчилеринин жубайлык, үй-бүлөлүк маселесине кийлишпөөнү суранган.
"Бул биздин ишибиз эмес", — деп жазган Twitter баракчасынын @mamtora аттуу колдонуучусу.
Трамп менен жубайы экөөнүн ортосундагы мамиле интернетте биринчи жолу талкууланып жаткан жок. Буга чейин Меланья Трамп бир нече жолу АКШ лидерин ыңгайсыз абалга калтырган. Алсак, былтыркы жылдын май айында Трамп Израилге иш сапары менен барып, жубайына колун сунса, Меланья кармабай койгон. Ушундай эле учур Римде да катталган.
