Бахирдинов: Кытайдан алынган интернет сапатсыз болууда
Кытайдан алынган интернет сапатсыз болгондуктан, учурда басымдуу бөлүгү Казакстандан алып келинет. Бул тууралуу Сапар Бахирдинов Sputnik Кыргызстан радиосуна маек куруп жатып билдирди.
Анын айтымында, Кыргызстан тоолуу өлкө болгондуктан аймактарга интернет таркатууда кыйынчылык жаралат.
"Интернеттин баасы дароо түшпөйт. Алдыга койгон максаттар иш жүзүнө аша баштаса акырындык менен интернет баасы да төмөндөйт. Учурда Кыргызстанга интернет Казакстандан келет. Мындан сырткары, Кытайдан алып келүү аракеттери көрүлүп жатат. Бирок сапатсыз болууда", — деди Бахирдинов.
Ал "Digital CASA (Борбор Азия – Түштүк Азия) — Кыргыз Республикасы" долбоорунун алкагында Кыргызстандын бюджетине каражат түшүп турарын кошумчалады.
