БИШКЕК, 29-мар. — Sputnik. Кемероводогу Заводский райондук соту өрткө кабылган "Зимняя вишня" соода борборунун администратору Надежда Судденкону камакка алганын РИА Новости агенттиги сот залындагы кабарчысына шилтеме берип жазып чыкты.
Айыпталуучу бул чечимге каршы арыз жазууга белсенип жатат. Жактоочу дагы аялды үй камагына чыгарууну суранган. Бирок тергөөчүлөр ал эркиндикте болсо качып кетип же тергөөгө жолтоо болуу менен күбөлөргө басым көрсөтүшү мүмкүн деген жүйө келтирген.
Мындан башка дагы үч адамга чечим чыгарылат. Алардын арасында компаниянын техникалык директору, өрт сигнализациясы менен алектенген адамдар бар.
Кемерово шаарындагы "Зимняя вишня" соода борборунда жекшемби күнү өрт чыккан. Анын кесепетинен 64 ада көз жумган. Бүгүн маркумдардын сөөгү жерге бериле баштады.
