БИШКЕК, 26-мар. — Sputnik. Өткөн жылы согуш жана климаттын өзгөрүүсүнөн улам 124 миллион киши ачарчылыкка кабылган. Бул себептерден улам 2018-жылы Афганистан менен Африкада, ошондой эле бир катар аймактарда жашаган эл кайрадан ачарчылыктын туткунунда калуу кооптуулугунда турат. Мындай маалымат БУУнун азык-түлүк катчылыгы боюнча глобалдуу отчетунда айтылды.
6 Бештин айы 2017, 13:48
Быйыл согуштун айынан Афганистан, Борбордук Африка, Конго, Чад, Түштүк Судан, Сирия, Йемен, Ливия, борбордук Сахел (Мали жана Нигер) мамлекеттеринде тамак-аш боюнча кыйын абал жаралары болжолдонууда.
Ал эми климаттын катаал шартынан улам Сомалинин жайыт аймактары, Эфиопиянын түштүк-чыгышы, Кениянын чыгыш бөлүгү, андан сырткары, Батыш Африканын өлкөлөрү, Сенегал, Чад, Мали, Мавритания жана Буркина Фасо каатчылыкка кабылары маалымдалган.
Докладда адамдардын өмүрүн сактап калуу, азык-түлүк каатчылыгынын тамырын жоготуу үчүн дүйнөлүк коомчулуктун биргелешкен аракетинин зарылдыгы айтылган.
