БИШКЕК, 20-мар. — Sputnik. Бишкектиктердин үйлөрү менен батирлериндеги бөлмөлөрдүн санын Улуттук статистикалык комитет эсептеп чыкты.
Ведомствонун маалыматына караганда, ар бир үчүнчү үй-бүлө үч бөлмөлүү батирде жашайт.
Жарандардын 28 пайызга жакыны эки бөлмөлүү батирге ээ. Ал эми ар бир бешинчи үй-бүлө бир бөлмөлүү батирде жашайт.
Төрт бөлмөлүү батир же үйгө борбор калаанын жашоочуларынын 16 пайызы ээлик кылат. Тургундардын беш пайызга жетпегени беш же андан көп бөлмөлүү үйү менен мактана алат.
