БИШКЕК, 15-мар. — Sputnik. БУУнун туруктуу өнүктүрүү жолун издөө боюнча бөлүмү эң бактылуу өлкөлөрдү аныктаган The World Happiness Report аттуу докладын жарыялады.
Рейтингге 156 мамлекет кирген. Кайгы-муңу жок өлкө катары биринчи ирет Финляндия аталды. Былтыр алдыңкы сапта турган Норвегия экинчи орунга түшүп, үчтүктү Дания жыйынтыктап турат. Төртүнчү менен бешинчи катарды Исландия менен Швейцария ээлеген. Ондукка Нидераланддар, Канада, Жаңы Зеландия, Швеция жана Австралия кирди.
Finland is the happiest country in 2018! #Finland #Happiness2018 @HappinessRpt pic.twitter.com/jylIjbFomW
— Happiness Research (@Happi_Research) 14 марта 2018 г.
Кыргызстан быйыл рейтингдин 92-сабына илинген, былтыр 98-орунда болчу.
"Эң эле бактысыз" болуп Түштүк Судан (154-орун), Борбордук Африка республикасы (155-орун) жана Бурунди (156-орун) эсептелди.
Рейтинг түзүүдө киши башына эсептелчү ИДП, жашоонун узактыгы, оор кырдаалда социалдык колдоо көрсөтүү, өкмөткө болгон ишеним, чечим кабыл алуудагы эркиндиктин бааланышы сыяктуу факторлор эске алынган.
