БИШКЕК, 14-мар. — Sputnik. Илимпоздор адамды тер төккөн машыгуулар эмес, туура тамактануу арыктата турганын аныктаган макаласын Frontiers in Molecular Neuroscience журналына жарыялашты.
Арыктоонун сырын ачуу үчүн Нидерландыдагы Гронинген университетинин окумуштуулары чычкандарга тажрыйба жүргүзүшкөн.
Кичинекей жандыктарды майлуу диетага отургузуп, андан бир жаш улууларына майы аз болгон тамактар берилген. Мындан тышкары, экинчи топтогу чычкандар айланган дөңгөлөктө чуркаган.
Окумуштуулар семирүүгө негизинен микроглиялар — өлүп калган клеткаларды талкалоочу иммундук системанын клеткалары жол ачарын аныктап чыгышты. Каллориясы төмөн тамак-аш жеген чычкандардын микроглияларынын активдүүлүгү бир топ басаңдаган.
Илимпоздор ачылыш адамдын рационун туура түзүүгө жардам берет деген ишенимде.
Ал арада Тажикстанда бийлик бардык мамлекеттик кызматкерлерди эртең мененки көнүгүүлөрдү жасоого милдеттендиргени белгилүү болду.
