БИШКЕК, 1-мар. — Sputnik. SpaceX компаниясы космоско учурган Tesla Rodster автоунаасы эгерде Марс менен кагылышса, аталган планетага жерден алып барган бактериясын жуктуруп, анын биологиялык жашоосун жок кылышы мүмкүн. Бул туурасында РИА Новости Пердью университетинен таянып кабарлады.
Эске салсак, SpaceX компаниясынын негиздөөчүсү Илон Маск Falcon Heavy ракетасы менен Tesla электромобилин космоско учурган.
Окумуштуулар НАСА маалыматына таянып, Жердин бактериялары башка планеталарга түшсө кооптуу болорун, андыктан Айга же Марска жиберилген космостук аппараттар абдан дыкаттык менен тазаланып, анан учуруларын айтышкан. Анткен менен Tesla мындай тазалоодон өтпөгөндүгүн айтышууда.
"Эгерде Марста биологиялык жашоо болсо, анын Жердеги организмдер менен аралашып кетүү кооптуулугу бар. Биздин планетадан баргандар Марска көнүп кете алабы деген суроо жаралат. Бул жагдайдан ула, андай илимий суроолорго жооп ала албай, Марстын биосферасы кандай болгондугун биле албай калабыз. Же болбосо алар Марстын организмдеринен да күчтүү болуп, көнүп кетерин билбейбиз да", — деп айткан планеталарды изилдеген профессор Жей Мелош.
Буга чейин окумуштуулар Tesla Марска быйыл жакындап бара тургандыгын айтышкан.
Ал эми Жерде 2018-жылдын 18-мартында күчтүү магнит бороону боло турганы кабарланды.
