БИШКЕК, 25-фев. — Sputnik. Бүгүн, 25-февралда Пхенчхандагы кышкы Олимпиада оюндары жыйынтыкталат. Үч миңге жакын спортчу күч сынашты.
Эки жумага созулган оюндун жүрүшүндө күйөрмандар кайсы спортчу мыкты экенине гана күбө болушпастан, кайсы спортчу ажарлуу жана сулуу экенине да баам салышты.
Айрым сайттар мелдештин көркүн өзүнүн сулуулугу менен ачкан спортчуларды тизмектегенге да жетишти.
Анастасия Брызгалова (Россия) – керлинг
A beleza da jogadora de curling russa, Anastasiya Bryzgalova, participante dos Jogos Olímpicos de inverno em Pyeongchang — Coréia do Sul 2018.
— Mauro Donati 727 (@maurodonati727) 14 февраля 2018 г.
"Acompanho o Curling a muitos anos, e a Rússia sempre teve atletas bonitas na sua equipe, mas dessa vez, que mulher linda". pic.twitter.com/qLwJfDv9AY
Россиялык керлингист Анастасия Брызгалова өзүнүн сулуулугу менен биринчилерден болуп социалдык тармактын колдонуучуларынын көңүлүн бурду. Айрымдар аны Голливуд жылдыздары Меган Фокс жана Анжелина Жоли менен салыштырышты.
Thanks Russia For Anastasia Bryzgalova!#ilovecurling pic.twitter.com/nkOP9CEBjZ
— Merengue de Corazón (@Checo_Perza) 15 февраля 2018 г.
Наталья Забияко (Россия) — көркөмдөп муз тебүү
Көркөмдөп муз тебүү спорту менен машыккан Наталья Забияко дагы көңүл тышында калган жок. Ал Олимпиадада өнөгү Александр Энберт менен командалык мелдеште күмүш медалга татыды.
Анна Фернштадт (Германия) — скелетон
Прагада жашаган немис скелетончусу Анна Фернштадт күлкүсү менен миңдеген күйөрмандарды өзүнө тартты. Аны "Жылмаюу сулуусу" деп да атап жиберишти.
Роуэн Чешир (Великобритания) — лыжа фристайлы
Хафпайп дисциплинасында күч сынашкан Улуу Британиянын команда мүчөсү да башкаларды өзүнө тартты. Буга чейин Сочи Олимпиадасына келгени менен машыгуу учурунда алган жаракатынан улам мелдешке чыккан эмес.
Силье Норендаль (Норвегия) – сноуборд
Норвегиялык сноубордчу Силье Норендаль Олимпиада-2018деги эң ажарлуу айымдардын катарын толуктады. Instagram баракчасына жазылган 300 миңден ашык колдонуучу ар бир жеңишин кубаттап, колдоп, сүрөп турушат.
Софья Федорова (Россия) — сноуборд
Сноуборд спортуна кызыккандар россиялык Софья Федорованын ажарына арбалышты. 19 жаштагы спортчу биг-эйр дисциплинасы боюнча күч сынашкан. Тилекке каршы финалга чыга алган жок.
Мэдисон Чок (АКШ) — көркөмдөп муз тебүү
Америкалык спортчу Мэдисон Чок өнөктөшү менен жетинчи орунду багындырды. Буга чейинки Сочи Олимпиадасында сегизинчи орунду алган эле.
Соцтармактын колдонуучулары спортчуну конькидеги шоколад деп аташты. Себеби, ал таттууну аябай жактырат.
Александра Назарова (Украина) — көркөмдөп муз тебүү
Украинанын намысын бул оюндарда көркөмдөп муз тебүү боюнча Александра Назарова коргоду. Ал өнөктөшү Максим Никитин менен 21-орунду ээледи.
Кайлани Крейн (Австралия) — көркөмдөп муз тебүү
Австралиялык Кайлани Крейн ажарлуу айымдардын катарын толуктады. Медаль албаганы менен Европа жана Азиядан көптөгөн күйөмандарды тапты.
Андан сырткары, Түндүк Кореядан өз командасын колдоо үчүн келген күйөрмандар көпчүлүктүн көңүлүн бурду.
