БИШКЕК, 24-фев. — Sputnik. Борбор калаанын борборундагы "Ретро-метро" клубунун жанындагы эс алуу борборунда чыккан өрт саат 02:10дө өчүрүлдү. Бул туурасында ӨКМдин маалымат кызматынан кабарлашты.
"Ретро-метро" клубунун жанындагы эс алуу жайында чыккан тилсиз жоо тууралуу маалымат өрт өчүрүүчүлөргө саат 21:27де түшкөн.
Жалынды өчүрүү үчүн беш бригада чакырылып, аны 22:57де чектешкен. Өрт беш саатка жакын өчүрүлгөн. Кырсыктын эмнеден чыккандыгы азырынча белгисиз.
Тилекке каршы өрт кырсыгы өмүрдү алган учурлар да кездешүүдө. Жакында эле жалындан качам деп 5-кабаттан секирип кеткен 15 жаштагы өспүрүм Бишкектеги №3 балдар ооруканасында көз жумду.
