БИШКЕК, 21-фев. — Sputnik. Кыргызстандын мектептери мындан ары беш күн гана окуйт. Бул тууралуу президенттин маалымат кызматынан кабарлашты.
Ага ылайык, Сооронбай Жээнбеков "Билим берүү жɵнүндɵ мыйзамга ɵзгɵртүү киргизүү жөнүндө" мыйзамга кол койгон.
Аталган мыйзам Жогорку Кеңеш тарабынан 2018-жылдын 10-январында кабыл алынган болчу. Ал мектептерди алты күндүк окуудан беш күндүк окуу жумалыгына которуу максатын көздөйт.
"Кабыл алынган мыйзам менен "Билим берүү жɵнүндɵ" мыйзамдын 16-беренеси тɵмɵнкүдɵй мазмундагы 10-бɵлүк менен толукталган: "Менчигинин формасына карабастан, жалпы билим берүү уюмдарында жетимдүү окуу жүктɵмүнүн чегин эске алуу менен беш күндүк окуу жумалыгы белгиленет", — деп жазылат маалыматта.
Мыйзам расмий жарыяланган күндɵн тартып он күндɵн кийин күчүнɵ кирип, быйыл 1-сентябрдан баштап мамлекеттик жана жеке менчик мектептертерде ишке кирет.
