БИШКЕК, 21-фев. — Sputnik. Бейшемби күнү Ысык-Көл, Нарын облустарынын айрым жерлеринде кар жаайт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден Ысык-Көл акваториясында 15-20 метрге жетет.
Нарын облусунда гана аба ырайы нөлдөн төмөн болуп, —5…-10 градуска жетет. Ал эми калган облустарда күн жылуу болуп, Чүй менен Таласта 3…8 градус, Ош, Жалал-Абад жана Баткенде 6…11 градус, Ысык-Көлдө 0…5 градус нөлдөн жогору болору айтылды.
Бишкек шаарында жана Ошто күн ачык болуп, абанын температурасы 8…11 градуска жетери божомолдонду.
