БИШКЕК, 16-фев. — Sputnik. Ишемби күнү Ысык-Көл, Нарын облустарынын көпчүлүк аймактарында кар жаайт. Ал эми Чүй, Талас, Ош, Жалал-Абад, Баткен облустарында туман түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 2-7 метрден Ысык-Көл акватроиясында 15-20 метрге жетиши күтүлөт.
Абанын температурасы Чүй менен Талас өрөөнүндө 1…6 градуска чейин төмөндөсө, Ош, Жалал-Абад жана Баткенде 2 градус сууктан 3 градуска чейин жылуу болушу күтүлөт. Ал эми Ысык-Көл облусунда 0…5, Нарында 5…10 градус суук болот.
Бишкек шаарын туман каптап, сууктун күчү 5 градуска чейин жетсе, Ошто 1 градус жылуу болору айтылды.
