БИШКЕК, 10-фев. — Sputnik. Түштүк Кореянын президенти Мун Чжэ Ин Түндүк Кореянын башчысы Ким Чен Ындын карындашы Ким Ё Чжон менен жолукту. Бул тууралуу Ренхап маалымат агенттиги билдирди.
Белгилей кетсек, Түндүк Кореянын спортчулары Пхенчхан шаарындагы кышкы Олимпиадага катышуу үчүн учуп келишкен. Алардын катарында өлкөнүн расмийлери да бар.
Мун Чжэ Ин Түндүк Кореянын өкүлдөрүнүн президенттик сарайда кабыл алган. Андан кийин алардын урматына уюштурулган кечки сый тамак берилген. Делегациянын сапары ушул жекшемби күнү карыйт.
Пхенчхандагы олимпиада оюндарына Түндүк Кореянын 22 спортчусу катышууда. Алар менен чогуу бир топ күйөрмандар жана "Самжиён" оркестри дагы келген. Артисттер 8-февралда Каннын шаарында өнөрүн тартуулашты. Эми жекшемби күнү Сеулда Олимпиада оюндарына арнап концерт беришет.
Түштүк Кореядагы Олимпиада оюндары 9-февралда башталган жана 25-февралга чейин уланат.
