БИШКЕК, 10-фев. — Sputnik. Түштүк Кореянын Пхенчхан шаарында өткөн кышкы Олимпиада оюндарынын ачылышына 70 миллиардга жакын вон (65 миллион доллардай) сарпталган. Бул тууралуу Р-Спорт https://rsport.ria.ru/winter2018_news/20180210/1132272310.html басылмасы оюндардын ачылыш жана жабылуу салтанатынын креативдүү аткаруучу директору Сон Сын Хванга таянуу менен билдирди.
Олимпиада оюндарынын ачылышы 9-февралда Бишкек убактысы боюнча саат 17:00дө болду. Кыргызстандын желегин биатлончу Тариэль Жаркымбаев көтөрүп чыкты. Өлкө намысын тоо лыжачы Евгений Тимофеев экөө коргойт.
9-февралда башталган оюндар 25-февралга чейин уланат.
Олимпиадага 95 мамлекеттен 2900 спортчу катышып, күч сынашат.
Кыргызстандык спортчулар кайсы күндөрү күч сынаша турганынын расписаниеси.
Олимпиаданын ачылышында башына ак калпак кийип чыккан Кыргызстандын делегациясы көпчүлүктү таң калтырды.
