БИШКЕК, 7-фев. — Sputnik. Бишкектин 7-кичи районунда жайгашкан Beta-2 супермаркетинин короосунда чыккан өрт толугу менен өчүрүлдү. Бул тууралуу ӨКМден билдиришти.
Куткаруучуларга өрт тууралуу билдирүү бүгүн саат 17:20да келип түшүп, кырсык болгон жерге эки өрт өчүрүүчү машина чыгып кеткен.
Алдын ала маалыматтарга караганда, дизелдик агрегат күйүп кеткен. Өрт саат 18.41де толугу менен өчүрүлгөн. Каза болгондор же жабыркагандар жок.
