Бирназаров: качкын президент тууралуу тасма тартып жатам
Качкын президент тууралуу тасма тартылып жатат. Бул тууралуу Темир Бирназаров Sputnik Кыргызстан радиосуна маек куруп жатып билдирди.
Анын айтымында, тасмада качкын президенттин мекенге болгон сүйүүсү чагылдырылат.
"Учурда "Кош келиңиз, президент мырза" деген тасма тартып жатам. Дүйнөдө 27 президент качкын экен. Алардын ар бири эле мекениме барсам деп ойлосо керек. Мен ошолордун оюн бергим келди. Сценарий боюнча качкын президент пластикалык операция жасатып алып Кыргызстанга келет", — деди Бирназаров.
Ал аталган тасма март айында коомчулукка тартуулана тургандыгын кошумчалады.
