БИШКЕК, 3-фев. — Sputnik. Борбор калаанын милиция кызматкерлери мас тейде Ак үйгө кирүүгө аракет кылган жигитти кармап калышты. Бул туурасында Бишкек шаардык милициясынан кабарлашты.
Ал жигит тартип сакчыларына Ак үйгө кирип, президент Сооронбай Жээнбеков менен Жогорку Кеңештин депутаттарынан жардам суроого ниеттенгенин айтып берген.
Маалымат кызматынын айтканына караганда, ал Бишкек шаарына Ош облусундагы айылдардын биринен келип, президент менен депутаттардан кичине, эски болсо да үй суроого камынганын билдирген.
Жигитти кармагандан кийин мобилдик батальондун кызматкерлери ал психикалык жактан ооруй турганын жана аны ооруканага жаткырышкандыгын айтышты.
