БИШКЕК, 2-фев. — Sputnik. Ишемби күнү көпчүлүк аймактарда кар жаайт. Бул тууралуу Кыргызгидромет билдирди.
Ага ылайык, жолдор тоңуп, тайгак болот. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүй менен Талас өрөөнүндө 3 градус сууктан 2 градуска чейин жылыйт. Ош, Жалал-Абад жана Баткен облустарында күн жылып 1…6 градуска жетсе, Ысык-Көлдө 1 градус сууктан 4 градуска чейин жылуу болот. Ал эми Нарын облусунда адаттагыдай эле күн суук болуп, —4…-9 градуска жетет.
Бишкек шаарында күн ачык болуп, 0…2 градус, Ошто 3…5 градус жылуу болот.
