БИШКЕК, 29-янв. — Sputnik. Өзбекстандын премьер-министри Абдулла Арипов футбол боюнча Азия чемпионатын жеңип алган оюнчуларына Malibu унаасын белек кылды. Бул туурасында Sputnik Өзбекстан агенттиги жазып чыкты.
Белгилей кетсек, Өзбекстандын футбол боюнча улуттук жаштар курама командасы Вьетнамда өткөн U23 Азия чемпионатында жеңишке жетишкен.
Өлкөнүн президенти Шавхат Мирзиёев оюн бүтөөрү менен футболчуларды куттуктаган.
Өзбекстандын командасы мекенине жекшемби күнү кечинде кайтып келди. Аларды аба майдандан миңге чукул күйөрмандары тосуп алган.
