Маалыматтарга сарасеп кылсак, экономикалык көз караштан алганда Россияда жашоо жакшы: орточо айлык 657 доллар, бул Кыргызстандагыга (215 доллар) салыштырмалуу үч эсе көп.
Россияда пенсия көлөмү да жаман эмес: бизде 76 болсо, ал жакта 291 доллар. Кыргызстандыктар алган акча ЕАЭБдеги эң төмөнкү көрсөткүч.
Ал эми эт дегенде кыргыздар алдына киши салбайт деген жаңылыш болуп чыкты. Кыргызстанда жылына 20 кг, ал эми Казакстанда 73 кило эт жешет экен.
Эң арзан турак жай Ереванда деп айтылды: бир чарчы метри 577 доллар. Бишкекте орто эсеп менен 669 доллар. Баарынан кымбаты Москвада болуп чыкты, бир чарчы метр 3 миң долларды чапчырын айтышты.
ЕАЭБ өлкөлөрүнүн ичинен кыз-келиндер Россияда көп экени аныкталды: 1000 эркекке 1 157 аял туура келет. Ал эми Кыргызстан эркеги көп мамлекет болуп чыкты, себеби кыз-келиндер менен мырзалардын саны теңме-тең экенин билдик.
Турмуш жолуна эң эрте Кыргызстанда аттанса, кечирээк еревандык жаштар үйлөнөрү аныкталды.
