БИШКЕК, 23-янв. — Sputnik. Экономикалык кылмыштуулукка каршы күрөшүү боюнча мамлекеттик кызматынын милиционердин погонун жулуп алды делген кызматкери убактылуу кармоочу жайга киргизилди. Бул тууралуу Бишкек шаардык ИИБден кабарлашты.
23 Үчтүн айы 2018, 11:57
Окуя 21-январга караган түнү болгон. Шектүү кафеде чатак салганы айтылууда. Мындан улам ал милициянын бөлүмүнө жеткирилген. ШИИБдин маалымат кызматы кармалган жаран укук коргоо органынын кызматкерин жерге кулатып, погонун жулуп алганын билдирүүдө.
23-январда ал бир айлык мөөнөткө убактылуу кармоочу жайга киргизилип, Кылмыш жаза кодексинин 341-беренеси (бийликтин өкүлүнө күч колдонуу) боюнча кылмыш иши козголду.
