Германиянын Ганновер-Лангенхаген аэропортунда күрд демонстранттары менен түрк жүргүнчүлөр мушташып, эки киши жеңил жаракат алганын жергиликтүү полицияга таянып, РИА Новости жазып чыкты.
Ага жооп кылып ошол жерде Стамбулга уччу учакты күтүп отурган түркиялык жүргүнчүлөр алар менен мушташа кетишкен.
Алдын ала маалымат боюнча терминалда 180ге чукул киши болгон. Полиция абалды жөнгө салуу үчүн дем алууну кыйындаткан газ колдонууга аргасыз болгон. Учурда аталган окуя боюнча иликтөө башталды.
Жергиликтүү убакыт боюнча 17.30да (Бишкек убактысы менен 22.30) уча турган каттам жарым саатка кечикти.
Эскерте кетсек, 20-январда Анкара Сириянын Африн шаарындагы күрддөрдүн куралдуу топторуна каршы операция баштаган. Түркияга "Сириянын эркин армиясы" союздаш болуп, Дамаск бул аракетти Анкара террорчуларды колдоду деген кине коюп келет.
