Рысалиев: Бишкектеги Биринчи май районунун атылышын Айтматов кылып өзгөртөлү
Бишкектеги Биринчи Май районун Чыңгыз Айтматов кылып өзгөртүү керектигин депутат Зарылбек Рысалиев парламентте сүйлөп жатып билдирди.
Анын айтымында, улуу жазуучу ушул райондо көп жыл жашаган.
"Быйыл Чыңгыз Айтматовдун 90 жылдыгы белгиленет. Мына "Манас" эл аралык аэропортубуз бар. Мындай келсек Бишкек шаары, анын төрт району бар. Анын баары эскиче аталышта калган. Чыңгыз Айтматовдун 90 жылдыгына байланыштуу борбордогу Биринчи Май районуна жазуучунун ысмын берели. Чыңгыз Айтматов району болсун", — деди Рысалиев.
Эл өкүлү бюджеттин тартыштыгынан улам маселе чечилбей калбаса экен деген ниетин кошумчалады.
