БИШКЕК, 11-янв. — Sputnik. Бишкек — Ош автожолунда унаа тыгыны жок экенин ӨКМден билдиришти.
Бүгүн, 11-январда, аба ырайы бузулгандыктан ӨКМдин ыкчам тобу Бишкек — Ош жолундагы Төө-Ашууга жана Чычкан капчыгайына жөнөп кеткен.
"Унаа жолдо тыгындар жок. Жол тейлөө кызматынын атайын унаалары тазалоо иштерин жүргүзүп жатат", — деп айтылат маалыматта.
"Сосновка" постунда саат 12:00дөн баштап чоң оор жүк ташуучу унааларга чектөө киргизилген. Саат 17:45ке карата постто 20 оор жүк ташуучу унаа турат.
Министрлик өзгөчө кырдаалга туш болгон жүргүнчүлөрдөн 112 акысыз кызматына чалуусун өтүнөт.
