БИШКЕК, 9-янв. — Sputnik. Өкмөттүн тапшырмасына ылайык, Жалал-Абаддын Ала-Бука жана Таластын Манас районунда катуу шамалдан турак жайлары жабыркаган жарандарга шиферлер акысыз жеткирип берилди. Бул туурасында Өзгөчө кырдаалдар министрлигинен билдиришти.
Жалал-Абаддын Ала-Бука районунун жашоочуларына 1-январдан 8не чейин 8800 даана шифер жеткирилген. Ал эми социалдык объектилер үчүн 1650сү жөнөтүлгөн.
Таластын Манас районуна жарандар үчүн 1210 шифер жеткирилсе, социалдык объектилерге деп 1320 даана шифер жөнөтүлгөн.
Аталган кызматтар ӨКМ тарабынан жасалган.
