Кулумбетов: күн нурун пайдаланууда өнүккөн өлкөлөрдөн артта калган жокпуз
Күн нурун пайдаланууда алдыңкы өлкөлөрдөн артта калган жокпуз. Бул тууралуу Жаныбек Кулумбетов Sputnik Кыргызстан радиосуна маек куруп жатып билдирди.
Анын айтымында, Бишкек шаарында бир топ үйлөр күндөн энергия алышат.
"Чынында энергия деп келгенде эле электр энергиясын ойлойбуз. Ошол эле күндүн, шамалдын, газдын, көмүрдүн энергиясын пайдалансак болот. Электр энергиясы азыр кымбат. Андыктан чакан ГЭСтерди куруу да актуалдуу болуп жатат. Ошол эле учурда күндөн энергия алууну үйрөнүп калдык", — деди Кулумбетов.
Ал Кыргызстан күндүн нурун пайдаланууда алдыңкы өлкөлөрдөн артта калбагандыгын кошумчалады.
