Эгер жаңы 2018-жылды утурлай ашыкча салмактан арылууга үлгүрбөй калсаңыз, куру санаага алдырбаңыз. Андан көрө алдыдагы эс алуу күндөрүндө дагы беш кило кошуп албоого тырышыңыз.
Бул макала да дасторконду жаза турган аялзаты тарабынан даярдалды. Алар дайым кокус баш багып калчу мейманды да эске алышат эмеспи. Дал ушул себептен өлчөм катары 400 граммдык өлчөм менен эсептелди.
"Үстү үймөлөнгөн сельдь". Бул салаттын орточо өлчөмү 400 граммды түзөт, мындай тамактын калориялуулугу – 800. Жарымын деле жеген болсоңуз, андан алган "кубаттуулукту" скакакалкада 30 мүнөт секирүү менен иштете аласыз.
"Оливье". Бул салаттын 400 граммдык табагы 650 калорий жаратат. 50 мүнөттүк чуркоо менен жоюлчу "иш".
Спирт ичимдиктери. Бул татымдардын арасынан аз сиңимдүүлүгү – шарап, анын жүз граммын иштетүү үчүн 8-10 жолу кайталоо менен 20 жолу олтуруп-турууга тийишсиз.
Эгер шампандын бир куюмун эде жутсаңыз скакалкада 6 мүнөт бою тынымсыз секирип калыбыңызга келе аласыз.
Күчтүү ичкиликтин деле калориялуулугу ушундай. Арыктоого белсенгендер көп ичерден мурун жети өлчөп, бир кесүүсү абзел. Себеби 100 граммдык куюму куурулган тооктун жүз граммына барабар. Муну сизден жашырып кое албайбыз.
Бутерброд. Ортосуна чүйгүн азыктар салынган май сүйкөлмө кесим нандын 100 граммы сизди шайтан арабаны 20 мүнөт тынымсыз тебүүгө аргасыз кылат.
Окурман, эгер эринбей, аягына чейин көз жүгүртсөңүз, бул текст толуп кетпөө үчүн ченеп жеп, аны менен бирге активдүүлүктү арбытуу зарылдыгын кулак кагыш кылган — тамак-аш кубаттуулугу менен көнүгүүлөрдүн күчүн гана салыштыруу экендигин эске түйүңүз.
