Американын аэронавтика жана космикалык мейкиндикти изилдөө боюнча улуттук башкармалыгы Instagram баракчасына 2017-жылдын эң популярдуу сүрөттөрүн тизмектеди. Бул тууралуу РИА Новости жазып чыкты.
Аталган тизмеге тогуз сүрөт киргизилип, көбүнчө социалдык тармактын колдонуучуларына жаккан ирмемдер тандалган. Рейтингдин биринчи сабында Каскейд көлүнүн үстүндө тартылган күндүн тутулушу болду. Экинчи тизмеге айдын тутулган учурдагы сүрөтү чыгып, үчүнчү катардагы сүрөттө астронавт Марк Томас менен Ванд Хейдин Эл аралык космикалык станцияда тартылган Жер планетасынын түнкү ирмеми чагылдырылган.
