БИШКЕК, 31-дек. — Sputnik. 1-январда күндүз Ысык-Көл облусунун кээ бир тоолуу райондорунда бир аз кар жаашы күтүлөт. Калган аймактарда жаан-чачын болбойт. Бул тууралуу Кыргызгидромет билдирди.
Ага ылайык, жолдор тоңголок, тайгак болот. Түндүк-батыштан соккон шамалдын ылдамдыгы секундасына 2-7 метрге жетет.
Чүй өрөөнүндө 1…6, Талас, Ош, Жалал-Абад жана Баткенде 2…7, Ысык-Көл облусунда 1 градус сууктан 4 градуска чейин жылыса, Нарында —4…-9 градус суук болот.
Бишкек менен Ош шаарларында күн ачык болуп, 6…7 градус жылыйт.
