БИШКЕК, 28-дек. — Sputnik. Борбор калаадагы мектептер жайгашкан көчөлөрдөгү унаанын ылдамдыгын азайтуучу эндүү тоскоолдуктарга демонтаж иштери жасалбайт. Бул тууралуу Sputnik Кыргызстан агенттигине "Бишкекасфальтсервис" муниципалдык ишканасынан кабарлашты.
Буга чейин бишкектиктер ылдамдыкты азайтуучу тоскоолдуктарга муз тоңуп калгандыктан жолдо унаа менен жүрүү кыйындаганын айтып, нааразы болушкан. Мындай көйгөй Бишкектин көптөгөн бөлүктөрүндө пайда болгон.
Бул боюнча "Бишкекасфальтсервис" конструкцияга демонтаж иштерин жүргүзүү планда жок.
"Тоскоолдуктарды орнотууга көп каражат кеткен. Аларды алып салуу планда жок. Көйгөйдү жоюуга реагенттер менен "Тазалык" ишканасы бар", — деп ишканадан билдиришти.
Бишкек мэриясы жаңы стандарттагы ылдамдыкты азайтуучу тоскоолдуктарды үстүбүздөгү жылдын июнь айында орноткон. Конструкциянын бийиктиги — 7 сантиметр, туурасы — 3 метр.
Буга чейин мэрия бул конструкциялар кышкысын көйгөй жаратпай турганын билдирген болчу.
Өткөн жылы тургундардын нааразылыгынан улам стандарттык ылдамдыкты азайтуучу тоскоолдуктар алынган.
