БИШКЕК, 28-дек. — Sputnik. Билим берүү жана илим министри Гүлмира Кудайбердиева генератордун газынан окуучулар ууланган мектепке чыгып кетти. Бул тууралуу аталган министрликтин маалымат кызматынан кабарлашты.
26 Бештин айы 2017, 13:50
Буга чейин ӨКМ Чүйдүн Кегети айылындагы мектепте 7-8-класстын окуучулары генератор колдонуп дискотека уюштуруп, андан чыккан уунун кесепетинин жалпы жонунан 110 киши дарыгерлерге кайрылгандыгын кабарлаган. Алардын 38и ооруканага жаткырылган.
Бирок кечирээк үч окуучудан башкасы үйлөрүнө жиберилгендигин Саламатык сактоо министрлиги кошумча билдирген.
Ооруканада уулангандардын ичинен дагы эки окуучу дарыгерлердин көзөмөлүндө болууда.
Билим берүү жана илим министрлигинен учурда ооруканада эки бала жатканын, алардын абалы канааттандырарлык экендигин билдиришти. Алардын сырткары бул жерде мектеп директору жана үч мугалим бар. Аталган министрлик жагдайды иликтөө боюнча атайын комиссия түздү.
