БИШКЕК, 27-дек. — Sputnik. 17 жаштан 20 жашка чейинки куракта адам жаңы нерселерди оңой кабыл алат. Тийиштүү иликтөөнүн жыйынтыгы Nature Communication журналына жарыяланды.
6 Жетинин айы 2017, 10:19
Нидерланддагы Лейден университетинин адистери неврологиялык оорулар менен оорубаган сегиз жаштан 25 жашка чейинки 232 кишиге эксперимент жасашкан. Сыноо учурунда катышуучулар компьютердин жардамы менен логикалык тапшырманы чыгарышы керек болчу.
Окумуштуулар тапшырманы аткарып жаткан кишилердин мээсин сканерлеп, 17 жаштан 20 жашка чейинкилердин мээси башкаларга караганда активдүү иштегенин аныкташкан.
Илим адамдары дал ушул куракта жаңы нерселерди үйрөнүп, аны жеңил кабыл алат деп жыйынтык чыгарышкан.
