БИШКЕК, 6-ноя. — Sputnik. АКШнын Түндүк-Батыш университетинин окумуштуулары адамдар менен ынак мамиледе болуу мээнин бат карышынан сактай турганын аныктаган. Бул тууралуу РИА Новости жазды.
Окмуштуулар көп жоро-жолдоштору бар жана адамдар менен сүйлөшө бербеген пенсионерлердин эс тутуму кандай экенин иликтеп көргөн.
Андан соң социалдык байланыштары, өзүнө жана айлана чөйрөгө болгон мамилеси жана жашоодогу максаты тууралуу берилген суроолорго жооп берип анкета толтурушкан.
Жыйынтыгында жоро-жолдоштору көп жана алар менен жылуу мамиледе жүргөн карылар тапшырмаларды алда канча жакшы аткарганы белгилүү болгон. Ошону менен бирге сергек жашоо образы, тамактануу, ишмердүүлүк, адамдар менен баарлашып туруу жана өзүнө жакшы кам көрүү эс тутумду сактоого өбөлгө болоору айтылат.
